Hipphoppið stöðvaðist

Rapparinn Jay-Z segir að grunge-rokkið og þá aðallega hljómsveitin Nirvana, hafi stöðvað siglinguna sem hipphopp-tónlistin var komin á í smá stund á tíunda áratugnum.

"Þetta var skrítið vegna þess að hipphoppið var að breytast í eitthvað risastórt en þá kom grunge-rokkið og stöðvaði það í eina sekúndu," sagði Jay-Z í nýrri bók rapparans Pharrell, The Places and Spaces I´ve Been.

"Það var alltof auðvelt fyrir okkur að velta þessum hár-hljómsveitum úr sessi. En þegar Kurt Cobain mætti með þessa yfirlýsingu sína þurftum við að bíða í smá stund."