Á Victoria Beckham von á fimmta barninu?

Sá orðrómur er farinn af stað að Victoria Beckham eigi nú von á sínu fimmta barni með eiginmanni sínum David Beckham.

Hefur tískuhönnuðurinn og söngkonan víst neitað sér um áfengi undanfarið og neytt furðulegra matartegunda. Hefur hún jafnframt farið undan í flæmingi og glottað þegar hún er spurð út í fjölgunina.

Í nýlegu viðtali sagði Beckham að hún væri alltaf til í fleiri börn, kannski ekki nema von þar sem hún virðist eiga heldur auðvelt með að ganga með.

Nú er bara að bíða og sjá hvort Beckham fjölskyldan staðfesti fréttirnar á næstunni.