Fyrstu tölur klukkan 23:00 annað kvöld

„Við gerum fastlega ráð fyrir því að talningin taki mun lengri tíma en gengur og gerist."

Þetta segir Katrín Theodórsdóttir, formaður yfirkjörstjórnar Reykjavíkur norður. Hún var gestur í útvarpsþættinum Reykjavík síðdegis á Bylgjunni í dag en hún fór þar yfir hagnýt atriði fyrir stjórnarskrárkosningarnar á morgun.

Katrín bendir á að hver spurning á kosningaseðlinum sé talin út af fyrir sig. Þannig er ekki litið á hvern seðil í heild sinni. „Þannig er þetta í raun sexföld talning."

En hvenær koma fyrstu tölur?

„Við reiknum með að talning hefjist klukkan 10. Síðan vonumst við til að fyrstu tölur verði komnir í kringum ellefu."

Hægt er að hlusta á viðtalið í heild sinni hér fyrir ofan.