Háður klámi

Poppstjarnan Will Young er í opinskáu viðtali við tímaritið Style þar sem hann játar að hafa verið háður klámi til að fylla upp í skarð í lífi sínu.

"Fíkn getur verið hvað sem er. Á síðasta ári flutti ég inn í nýtt hús, platan mín var í toppsæti og ég var niðurdreginn. Ég keypti hús og fékk ekkert út úr því. Keypti bíla – fékk ekkert út úr því. Eyddi formúu í Selfridges – fékk ekkert út úr því. Ég klæðist ekki einu sinni þeim fötum. Þessir hlutir færðu mér ekki hamingju þó ég héldi það," segir Will. Þetta varð til þess að hann varð háður klámmyndum.

"Ég varð aldrei kynlífsfíkill. Ég varð ástarfíkill. Ég var örugglega háður klámi."

Will er samkynhneigður og hefur verið á lausu í tæplega fimm ár. Hann er dauðhræddur við að byrja í sambandi.

"Ég þarf að útkljá mörg mál. Það er ekki séns að ég geti farið í samband núna."