Ljúfmeti úr lækningajurtum

„Meðhöfundur minn er Albert Eiríksson, betri helmingur Bergþórs Pálssonar sem þekktur er fyrir einstaklega ljúffengar mataruppskriftir, segir Anna Rósa Róbertsdóttir grasalæknir og annar höfundur bókarinnar Ljúfmeti úr lækningajurtum sem kom í verslanir á dögunum.

Krydd- og lækningajurtir eru í hávegum hafðar í bókinni en hún samanstendur af allskonar réttum, allt frá grænmetis-, fisk og kjötréttum yfir í gómsætar kökur. Bókin inniheldur einnig glæsilegar ljósmyndir af réttunum sem eru teknar af Braga Bergþórssyni en allar myndirnar eru teknar heima hjá Alberti Eiríkssyni og Bergþóri Pálssyni og því heimilisleg stemming. „Þeir eru vel þekktir fyrir það að vera góðir heim að sækja en ófáir hafa borðað þar gómsæta rétti í gegnum árin.“

Í meðfylgjandi myndasafni má sjá brot úr bókinni.