Lifir á te og horast niður

Það er varla að maður þekki leikarann Matthew McConaughey þessa dagana. Hann er búinn að léttast um tæp fimmtán kíló fyrir nýjustu mynd sína The Dallas Buyer's Club.

Myndin er sönn saga manns sem smitaðist af eyðni á miðjum níunda áratugnum og neytti tilraunalyfa til að lengja líf sitt.

Matthew er vanur því að vera massaður og í góðu formi en núna er annað upp á teningnum.

"Ég á ekki að líta heilsusamlega út. Þetta er andleg hreinsun fyrir mig. Ég drekk mikið af te. Það tekur tíma fyrir líkamann að skilja að hann verði að nærast af sér sjálfum og að maður ætli ekki að gefa honum neitt að borða," segir Matthew.