Lítið bólar á Skaftárhlaupi

Lítið bólar enn á Skaftárhlaupinu, sem talið var að væri að hefjast fyrir helgi. Þó hefur mælst aukin rafleilðni í vatninu, sem er vísbending um hlaup, og vísbendingar eru um að ísskjálftar hafi orðið í jöklinum, en þeir eru oft fyrirboðar eða fylgifiskar hlaupa.

Rennsli var með eðlilegum hætti við Sveinstind, efstu mælingastöðina í nótt, en áfram er fylgst grannt með framvindu mála, enda er að koma tími á að báðir sigkatlanir í jöklinum losi úr sér uppsafnað vatn.