Donna var mjög viðkunnaleg og laus við stjörnustæla

„Þetta var mjög viðkunnaleg ung kona þegar ég kynntist henni og það voru aldrei neinir stjörnustælar í henni, jafnvel þegar hún var orðin heimsfræg," segir Þórir Baldursson tónskáld, sem vann mikið með Donnu Summer og útsetti mörg af hennar frægustu lögum. Donna lést í dag, 63 ára að aldri.

„Hún var sem bakraddasöngkona þegar ég kynntist henni fyrst og þá vorum við nú ekki að vinna mikið saman beinlínis. Við vorum bæði að vinna fyrir aðra. En þegar ég fór að útsetja fyrir hana og spila inn á plöturnar að þá jókst samstarfið," segir Þórir. Þá hafi þau oft heimsótt hvort annað.

Þórir var síðast í sambandi við Donnu árið 1978.