Handrit tilbúið að leynilöggumynd Auðuns Blöndal

Eitt af því síðasta sem Auddi og Sveppi gerðu í þáttum sínum á Stöð 2 var að keppa í stiklugerð fyrir ímyndaðar kvikmyndir.

Leynilöggustikla Auðuns sló í gegn, svo rækilega að ákveðið var að setjast niður og skrifa handrit að kvikmynd í fullri lengd. Nú heyrist að handritið sé tilbúið og að Auðunn og leikstjórinn Hannes Halldórsson horfi í kringum sig í leit að leikurum fyrir myndina.

Enn er þó óvíst hvenær tökur hefjast, en ljóst er að margir bíða spenntir eftir afrakstrinum þar sem að stiklan var ekkert minna en stórkostleg. Hægt er að horfa á hana hér fyrir ofan.



Tengdar fréttir:

Vikulöng trailer-keppni milli Audda og Sveppa á Vísi

Chroma Key - framlag Sveppa til keppninnar

Sveppi og Auddi tilkynna úrslit keppninnar