Viskí til sölu - kostar 50 milljónir króna

Viskí sem var framleitt til þess að fagna 60 ára valdatíð Elísabetar drottningar er til sölu í Singapore, en verðmiðinn eru litlar fimmtíu milljónir króna. Og það sem meira er, þá þykir líklegt að einhver milljónamæringurinn láti sig hafa það að kaupa viskíið samkvæmt frétt Reuters um málið.

Aðeins 60 flöskur voru framleiddar af Diamond Jubilee viskíinu sem Johnnie Walker framleiðir og þykir með því besta sem gengur og gerist í heiminum.

Og það er engin tilviljun að það sé til sölu í Singapore, sem er líklega óhætt að kalla höfuðborg milljarðamæringana, en þar búa flestir milljarðamæringar samkvæmt höfðatölu

Og hvernig smakkast mjöðurinn? Svona er honum lýst af viskísérfræðingum: Mismunandi blæbrigði drykkjarins fléttast saman. Áferðin er flaueliskennd, blönduð hressandi beiskum keim og mjúku ávaxtabragði þegar það rennur niður hálsinn.

Einkunnin er því 93 af 100. Það gera semsagt 50 milljónir króna.