Hafði ekki efni á happdrættismiðanum - missti af 7.5 milljörðum

Starfsfélagar Hazel Loveday frá Bretlandi unnu 38 milljón pund í happdrætti í vikunni. Fyrir nokkrum dögum ákvað Hazel að hætta að kaupa miða í happdrættið með félögum sínum.

Hazel, sem er rútubílstjóri og einstæð móðir, var lögð inn á spítala eftir að henni var tjáð að starfsfélagarnir hefðu hlotið vinninginn. Hún sagði fréttablaðinu The Daily Mail að hún hefði ekki haft efni á kaupa happdrættismiðana lengur.

Vinningsupphæðin samsvarar tæpum 7.5 milljörðum íslenskra króna.

„Við vorkennum Hazel," sagði Charles Connor, starfsfélagi Hazel og milljónamæringur. „En maður verður að spila með til þess að vinna. Það er ekkert sem við getum gert."

Hazel og vinnufélagar hennar hafa keypt happdrættismiða í hverjum mánuði undanfarin ár. Hún var ein skipuleggjendum verkefnisins.

Vinur Hazel sagði að hún væri einstaklega sorgmædd vegna atviksins. „Hún er í rusli. Hún er á kúpunni - þess vegna þurfti hún að hætta að kaupa miðana."

Alls unnu 12 vinnufélagar Hazel 38 milljón pund. Í dag var veisla haldin þeim til heiðurs. „Við fengum glæsilega máltíð," sagði einn vinningshafinn. „Við fengum kavíar. Við ætlum að halda áfram að keyra rúturnar - við erum ekki komnir í raðir fína fólksins."