Tíu ára gömul og heimsmethafi í kraftlyftingum

Tíu ára gömul stúlka í Bandaríkjunum hefur slegið heimsmet í kraftlyftingum. Hún lyfti rúmlega tvöfaldri líkamsþyngd sinni eða tæpum 100 kílóum.

Naomi Kutin er rúmlega 140 sentímetrar á hæð og er 42.3 kíló að þyngd.

Hún sló heimsmetið á RAW kraftlyftingar mótinu í Texas í janúar. Heimsmetið tilheyrði áður Önu Geitner frá Þýskalandi en hún er 44 ára gömul.

Áhorfendur á mótinu ráku upp stór augu þegar Naomi lyfti hlassinu.

„Vinir mínir trúðu mér ekki þegar ég sagðist hafa slegið heimsmetið," sagði Naomi. „Ég þurfti að koma með verðlaunapeninginn og viðurkenningarskjalið í skólann til að sannfæra þá."

Naomi hóf að æfa kraftlyftingar í apríl árið 2010. Faðir hennar segir að hún hafi ávallt verið sterk.

„Hún hefur alltaf getað stokkið hærra en vinir hennar og gert fleiri armbeygjur," sagði Ed Kutin, faðir Naomi. „Hún er jafnvel sterkari en strákarnir. Þó er hún alveg eins og hinar stelpurnar, feimin og kurteis."

Naomi hefur vakið gríðarlega athygli í kraftlyftingaheiminum. Hún á fjölda aðdáenda sem fylgja henni hvert sem - margir af þeim voru samankomnir í Austur þegar hún sló heimsmetið.