Tvær farþegaþotur lentu með veika farþega sama daginn

Tvær farþegaþotur í millilandaflugi þurftu að lenda á Keflavíkurflugvelli í gærdag og í gærkvöldi vegna veikinda farþega. Önnur flugvélin var frá þýsku flugfélagi en hin frá bresku. Sú breska þurfti að lenda hér á landi um klukkan níu í gærkvöldi og gekk vel þrátt fyrir vont veður.

Það er vanalegt að flugvélar lendi á Keflavíkurflugvelli um einu sinni í viku með veikan farþega. Samkvæmt upplýsingum frá Isavia þá er óvanalegra að tvö slík tilfelli komi upp sama dag.

Ekki er vitað frekar um veikindi farþeganna.