Bílvelta í Fagradal

Ökumaður jeppabifreiðar var fluttur á fjórðungssjúkrahúsið á Neskaupsstað eftir að bifreið hans valt í Fagradal á Austurlandi á milli klukkan tvö og þrjú í dag.

Maðurinn var einn í bílnum en hann virðist hafa misst stjórn á bílnum með fyrrgreindum afleiðingum. Það var vegfarandi sem tilkynnti um slysið. Samkvæmt upplýsingum frá lögreglunni á Eskifirði slapp maðurinn betur en á horfðist.

Beita þurfti klippum til þess að losa um manninn, en lögreglan tekur þó fram að þær hafi verið notaðar til þess að auðvelda björgunaraðgerðir á vettvangi, en maðurinn hafi ekki verið fastur í flakinu.

Maðurinn virtist ekki alvarlega slasaður að sögn lögreglu. Ekki er vitað hvað olli slysinu.