Veiðimanni í sjálfheldu bjargað

Uppúr átta í kvöld var björgunarsveit Slysavarnafélagsins Landsbjargar í Hafnarfirði kölluð út vegna manns sem var í sjálfheldu á brimgarði við Norðurgarð í Hafnarfjarðarhöfn.

Maðurinn hafði verið við veiðar á garðinum og ekki áttað sig á því hversu fljótt flæddi að né hversu kröftuglega sjórinn gekk fyrir garðinn. Hann taldi sig því vera öruggan við iðju sína. Hann var fluttur með björgunarsveitarbát í land og amaði ekkert að honum.

Töluverður viðbúnaður var þar sem ástand mannsins né nákvæm staða lágu fyrir þegar samviskusamur borgari hringdi á Neyðarlínu til að láta vita af stöðu mannsins.

Auk björgunarsveitarmanna brugðust því lögregla og slökkvilið við hjálparbeiðninni.