Farþegarnir komust úr úr brennandi strætisvagni

„Það voru fáir í vagninum og það komust allir út heilir á höldnu," segir Reynir Jónsson, framkvæmdastjóri Strætó. Eldur kom upp í strætisvagni á gatnamótum Bíldshöfða og Breiðhöfða í morgun en eldurinn kom upp í vélarrúmi bílsins.

Strætisvagninn er í eigu Hagvagna sem eru verktakar sem aka fyrir Strætó. „Allt sem við kemur tjóninu sjálfu er á hans borði. Við vinnum bara eftir ferla í sambandi við rýmingu vagnsins og öryggismál," segir Reynir. Eldsupptök eru ókunn en Reynir segir að yfirleitt þegar svona kemur upp þá komi gat á „glusaslöngur" og olía leki um vélina. „Þetta eru nú samt bara getgátur hjá mér, en það er yfirleitt skýringin, einhverskonar olía leki."

Reynir segir að annar strætisvagn hafi strax verið sendur á staðinn til að flytja farþegana sem voru í vagninum. Það voru þó flestir búnir að redda sér sjálfir. Slökkviliðið rannsakar nú eldsupptök.