Vitnaleiðslum lokið - Geir gaf skýrslu

Vitnaleiðslum er lokið í aðalmeðferð Alþingis gegn Geir Haarde. Um klukkan hálffjögur í dag var svo byrjað aftur á því að taka skýrslu af Geir Haarde og lauk henni um stundarfjórðungi síðar.

Geir sagði meðal annars að að allt hefði verið gert í aðdraganda bankahrunsins sem mögulega hefði verið hægt að gera. „Ég tel ekkert hafa skort á það að menn hafi verið með samtöl í gangi og að gera það sem hægt var að gera. Það sem hægt var að gera var síðan kannski ekkert það sama og naujðsynlegt var að gera," sagði Geir Haarde.

Geir sagði jafnframt að hann hafi verið í miklum samskiptum við formann bankastjórnar Seðlabankans. „Hann sagði mér að því að hann væri að fara í eþssa ferð til London, " sagði Geir. Hann vísaði þar í ferð sem Davíð Oddsson fór í febrúar til að ræða stöðu bankanna.

Markús Sigurbjörnsson tilkynnti eftir skýrslutökuna af Geir að hlé yrði gert á réttarhöldunum til fimmtudags. Þá munu saksóknari Alþingis og verjandi Geirs flytja mál sitt.