Hátt eldsneytisverð hefur veruleg áhrif á ferðaþjónustuna

Árni Gunnarsson, formaður Samtaka ferðaþjónustunnar, var gestur í útvarpsþættinum Reykjavík síðdegis á Bylgjunni í dag. Hann sagði að hátt eldsneytisverð hafi veruleg áhrif á ferðaþjónustuna.

„Þetta er ógnvænleg þróun sem orðið hefur á heimsmarkaðsverði á eldsneyti," sagði Árni. „Hún hefur verið á eina leið - allt upp á við."

Árni sagði að hækkanir á eldsneytisverði hafi orðið til þess að flugfélög innanlands hafi þurft að hækka verðskrá sína. „Miðað við þessar aðstæður þá verður framhald á því."

Hann sagði að bókanir hefðu þó staðið staðið undir væntingum, þrátt fyrir verðhækkanir. „Þá er bara að vona að náttúran spili með okkur."

Hægt er að hlusta á viðtalið í heild sinni hér fyrir ofan.