Norsk herflugvél hvarf af ratsjá

Björgunarmenn leita nú að norskri Herkúlesar-herflugvél sem hvarf yfir Norður-Svíþjóð fyrr í dag. Fimm menn voru um borð í flugvélinni en hún tók þátt í heræfingu.

Flugvélin var á leið frá Evenes í Noregi til Kiruna í Svíþjóð.

Jonas Sundin, stjórnandi flugbjörgunarsveitar Noregs, sagði að tvær kenningar séu lofti um hvað varð um flugvélina. „Annað hvort hrapaði flugvélin eða flugmennirnir þurftu að framkvæmda nauðlendingu og misstu samskiptamöguleika í kjölfarið."

Flugvélin hvarf af ratsjám á þriðja tímanum í dag.

Sundin sagði að björgunarmenn hefðu ekki fundið flugvélina þrátt fyrir að hafa leitað í rúma fjórar klukkustundir.

Samkvæmt talsmanni norska hersins átti flugvélina að sækja hermenn og búnað í Svíþjóð.