NASA birtir atlas næturhiminsins

Geimferðastofnun Bandaríkjanna hefur birt samsetta mynd sem WISE gervihnötturinn tók á tíu mánaða tímabili. Myndin sýnir næturhimininn í allri sinni dýrð.

WISE gervihnötturinn (e. Wide-field Infrared Survey Explorer) tók ljósmynd af næturhimninum á 11 sekúndna fresti í tíu mánuði. Alls voru 2.7 milljón ljósmyndir teknar. Myndunum var síðan skeytt saman svo að úr varð nokkurs konar atlas næturhiminsins.

Ljósmyndir WISE eru alls 15 trilljón bæti að stærð og gátu vísindamenn NASA skapað 560 myndir úr gögnunum.

Vonast er til að WISE verkefnið eigi eftir að virka sem hvatning fyrir vísindamenn. Nú þegar hefur verkefnið leitt til nýrra uppgötvuna. Þar á meðal uppgötvaðist nýr flokkur stjarna ásamt áður óséðu smástirni sem er á sömu sporbraut og Jörðin.

Hægt er að nálgast myndina í fullri stærð hér.