Japani þróar "mál-truflara"

Japanskir vísindamenn hafa þróað tæki sem getur þaggað niður í fólki af allt að 30 metra færi. Vísindamennirnir hafa nú þegar hannað frumgerð tækisins en vonast til að hefja fjöldaframleiðslu á næstu árum.

Tækið er einfaldlega kallað „SpeechJammer." Það er vísindamaðurinn Kazutaka Kurihara sem á heiðurinn af tækinu og er hann afar sáttur með niðurstöðuna.

Virkni „SpeechJammer" tækisins þykir með ólíkindum. Tækið tekur upp ræðu þess sem mælir um of og sendir hljóðið til baka í átt að manneskjunni. Hljóðið er berst 0.2 sekúndum seinna og því ruglast mælandinn svo að hann neyðist til að þegja.

Þó svo að virkni „SpeechJammer" hljómi ótrúlega þá byggir hönnun Dr. Kurihara á raunverulega fyrirbæri. Þegar heilinn nemur hljóðið örskömmu eftir að það er framkallað ruglast hugarferli hans og á um leið erfitt með móta hugsanir og mál.

Kurihara segir að tækið sé afar hentugt til að þagga niður í fólki sem talar of mikið og á óviðeigandi augnablikum, svo sem á bókasafni eða kvikmyndahúsum.