Pútin lýsti yfir sigri í kosningunum

Vladimir Pútin hefur lýst yfir sigri í forsetakosningunum í Rússlandi. Hann mun þá sitja þriðja kjörtímabil sitt sem forseti landsins.

Hann sat í embætti á árunum 2000-2008 en gegndi embætti forsætisráðherra síðastliðin fjögur ár vegna ákvæðis í stjórnarskrá um að forseti megi ekki sitja lengur en tvö kjörtímabil samfleytt.

Samkvæmt útgönguspám og fyrstu tölum í kosningunum fékk Pútin um 60% atkvæða.Pútin sagði við stuðningsmenn sína í kvöld að hann hafi unnið í opnum og heiðarlegum kosningum. Stjórnarandstæðingar eru ósammála. Þeir saka hann um svindl og hvetja til mótmæla á morgun.