Meintur barnaníðingur áfram í gæsluvarðhaldi

Karlmaður sem er ákærður fyrir að hafa misnota ellefu ára dóttur sína með grófum hætti mun sæta áframhaldandi gæsluvarðhaldi. Maðurinn var handtekinn í desember á Akranesi, þar sem hann er búsettur.

Í greinargerð ríkissaksóknara kemur fram að rannsókn málsins hafi hafist er lögreglunni á Akranesi barst bréf barnaverndarnefndar í lok nóvember síðastliðnum.

Í bréfinu hafi verið tilkynnt um ætlað kynferðisbrot mannsins gegn dóttur sinni. Maður hefur verið ákærður en mál hans var þingfest í janúar. Þá hefur aðalmeðferð einnig farið fram og er nú beðið eftir niðurstöðu dómara.

Ríkissaksóknari fór fram á að maðurinn yrði áfram í gæsluvarðhaldi á grundvelli almannahagsmuna. Á þetta féllst Héraðsdómur Vesturlands og svo Hæstiréttur Íslands í dag. Maðurinn skal því sæta gæsluvarðhaldi til 29. mars.

Jón Steinar Gunnlaugsson, hæstaréttardómari, skilaði þó inn sérákvæði. Þannig telur hann augljóst að ekki getur talist sterkur grunur um að maðurinn hafi framið brotið sem honum er gefið að sök.

Þá telur hann ríkissaksóknara ekki hafa sýnt fram á hversvegna gæsluvarðhaldið sé nauðsynlegt með tilliti til almannahagsmuna.

Vildi hann því fella úrskurðinn úr gildi.