Starfsmaður hjá McDonald's skvetti heitri olíu á viðskiptavin

Stjórnandi hjá McDonald's skyndabitakeðjunni skvetti brennandi heitri olíu í andlit viðskiptavinar í miðborg London á dögunum. Maðurinn brenndist í framan, bringu og handleggjum.

Lögreglan rannsakar nú málið en olían sem hann skvetti er steikingarolíu, sem notuð er til að djúpsteikja franskar. Á meðal þess sem lögreglan rannsakar er hvort að starfsmaðurinn hafi verið í sjálfsvörn þegar hann skvetti olíunni. Atvikið átti sér stað á aðfaranótt laugardags.

Viðskiptavinurinn kom inn á skyndibitastaðinn um klukkan hálf fjögur um nóttina. Hann pantaði sér mat með vini sínum en þeir voru báðir undir áhrifum áfengis. Þegar þeir voru búnir að panta matinn hófust mikil rifrildi á milli starfsmannsins og strákanna. Annar strákurinn er sagður hafa blótað starfsmanninum og hótað að drepa hann. Starfsmaðurinn svaraði þá: "Ef þú kemur yfir afgreiðsluborðið mun ég skvetta á þig olíu."

Eftir að starfsmaðurinn lét þessi orð falla hoppaði strákurinn yfir borðið og stóð þá starfsmaðurinn við orð sín, og skvetti á hann olíu. Maðurinn hlaut þriðja stigs bruna í andliti, bringu og á báðum handlegjum.

Strákurinn var fluttur á sjúkrahús þar sem hann gengst nú undir meðferð vegna brunasáranna.

Lögreglan hefur tekið skýrslu af öðrum starfsmönnum og viðskiptavinum sem urðu vitni að atvikinu auk þess sem eftirlitsmyndavélar verða skoðaðar.