Bondgella í Reykjavík

Þrátt fyrir að afmælisbarn gærdagsins, Tom Cruise, hafi yfirgefið landann var mótleikkona hans, Olga Kurylenko úr Oblivion, enn á landinu í gær og snæddi hádegismat á Fish Market ásamt fríðu föruneyti.

Lítið hefur verið fjallað um ferðir hennar hér á landi en Olga fer með stærsta kvenhlutverk myndarinnar og er hvað þekktust sem Bondgellan á móti Daniel Craig úr James Bond: Quantum of Solace.

Greinilegt er að hún kann að meta íslenskt fiskmeti því hún sat einnig til borðs á Humarhúsinu á Stokkseyri í júní ásamt kærastanum sínum, Hollywood-leikaranum Danny Huston. -hþt