Kosning hafin í biskupskjöri

Biskupskjör í er fullum gangi, kjörgögn voru send til kjósenda fyrir viku og frestur til að skila inn atkvæðum rennur út þann nítjánda mars.

Biskupsefnin átta hafa síðustu daga haldið kynningarfundi um landið. Skessuhorn greinir frá því að í Borgarnesi hafi verið haldinn fundur með þeim í vikunni, en ekki var látið vita opinberlega að fundurinn færi fram. Þannig fylgdust engir fjölmiðlar með fundinum. Prófastur í Vesturlandskjördæmi svarar gagnrýni á þetta atriði á þann veg, í samtali við Skessuhorn, að markhópur fundarins hafi aðeins verið kjörmenn í prófastsdæminu.

Um fimm hundruð manns hafa kosningarétt í biskupskjörinu og stefnt er að talningu atkvæða þann 23. mars næstkomandi.