Flugi til Ísafjarðar frestað - önnur flug í athugun

Flug til Akureyrar og Ísafjarðar hefur verið aflýst í dag en flug til Egilsstaða verður endurskoðað rúmlega fjögur í dag. Ekki verður flogið til Ísafjarðar og Akureyrar fyrr en í fyrsta lagi í fyrramálið.

Ástæðan fyrir frestun flugs er að sjálfsögðu stormurinn sem hefur geisað hér á landi síðan í gærkvöldi. Enn er mjög hvasst á Austur- og Norðurlandi en búist er við að storminum lægi eftir því sem líður á daginn. Veður á höfuðborgarsvæðinu er skaplegt og vindur er að minnka á Suðurlandi.