Klára lagið

Paul McCartney hefur hug á að snúa aftur í hljóðver með upptökustjóranum Jeff Lynne úr ELO til að leggja lokahönd á vinnu við óklárað lag eftir John Lennon. Lynne og eftirlifandi Bítlar unnu saman að laginu árið 1995 ásamt tveimur öðrum lögum, Free as a Bird og Real Love, en aðeins þau tvö síðarnefndu voru kláruð og komu út á Beatles Anthology-plötunum.

Þetta kemur fram í nýrri heimildarmynd um Lynne sem nefnist Mr. Blue Sky. Lagið sem um ræðir gengur ýmist undir nöfnunum Missing You, Now And Then og I Don‘t Want To Lose You og var samið 1977 eða 1978.