Svartur raunveruleiki eða vongóð kómedía

Auk myndarinnar End of Watch, sem er fjallað um hér á síðunni, eru tvær kvikmyndir frumsýndar í bíóhúsum landsins um helgina.

Fyrst ber þar að nefna íslensku glæpamyndina Blóðhefnd. Myndin er eftir Ingo Ingolfsson og skartar, auk hans, þeim Eyjólfi Ingólfssyni og Alexander Ágústssyni í aðalhlutverkum. Hún fjallar um mansal á Íslandi og segir frá ungum manni sem flækist inn í glæpagengi og það hvernig þátttaka hans í undirheimum hefur áhrif á alla fjölskyldu hans.

Bond-leikarinn Pierce Brosnan snýr aftur á hvíta tjaldið um helgina í dönsku gamanmyndinni Love Is All You Need. Á móti honum leikur danska leikkonan Trine Dyrholm. Myndin er eftir Óskarsverðlaunaleikstýruna Susanne Bier og hefur hlotið mikið lof fyrir að vera á fyndin, fáránleg og falleg.