Læknast hraðar og síður veikir

Karlkyns bavíanar sem eru í ráðandi stöðu í sínum hóp verða sjaldnar veikir og sár þeirra læknast hraðar en sár annarra bavíana, samkvæmt umfangsmikilli rannsókn vísindamanna á heilsufari þessarar apategundar.

Fyrir fram töldu rannsakendur að álagið sem fylgdi því að stýra apahópnum hefði slæm áhrif á heilsu karlanna, en raunin varð önnur. Raunar hefur lengi verið deilt um hvort sé verra fyrir heilsuna, álagið sem fylgir því að vera í ráðandi stöðu, eða álagið sem fylgir því að vera undirmálsapi. Niðurstaðan er sú að það er betra að vera á toppnum, að minnsta kosti fyrir apa. - bj