Hvattir til að sækja leikskólabörnin fyrr í dag

Foreldrar leikskólabarna eru hvattir til að mæta á samstöðufund við Ráðhús Reykjavíkur í dag klukkan fjögur tl að sýna samstöðu gegn frekari niðurskurði í leikskólum borgarinnar.

Á fundi Samtaka foreldrafélaga leikskóla í Reykjavík síðastliðinn fimmtudag var samþykkt að boða til samstöðufundarins. Þá hvetja samtökin foreldra til að sækja börn sín á leikskólann klukkan 15.30 í dag þannig að starfsfólk leikskóla komist einnig á fundinn.

Fyrirhugaðar sameiningar leikskóla vegna niðurskurðarins hafa valdi foreldrum og starfsfólki leikskóla miklum áhyggjum og er það von þeirra að borgaryfirvöld sjái aðrar leiðir færar.