Borgarstjóri á spítala

Jón Gnarr borgarstjóri fór á spítala í dag og mun vera frá vinnu næstu viku. „Þetta er ekkert alvarlegt og bara búið að standa til lengi. Hann er búinn að vera með þrálátt kvef og þurfti að bregðast við því," segir Heiða Kristín Helgadóttir, framkvæmdastjóri Besta flokksins.

Það sem veldur þráláta kvefinu er sýking í ennisholum og Jón þurfti á aðgerð að halda til að losna við hana. Heiða Kristín býst við því að fyrsta verk Jóns þegar hann kemur til vinnu á mánudag verði að anda léttar.