Bjarni boðar til fundar um Icesave í Valhöll

Bjarni Benediktsson, formaður Sjálfstæðisflokksins, hefur boðað til fundar um Icesave-málið á morgun, laugardaginn 5. febrúar, í Valhöll. Fundurinn hefst klukkan eitt eftir hádegi en Friðrik Sophusson verður fundarstjóri.

Búast má við hörðum umræðum á fundinum en ákvörðun þingflokks Sjálfstæðisflokksins um að styðja nýtt Icesave-frumvarp er gríðarlega umdeilt á meðal félagsmanna. Viðbrögðin hafa birst með ýmsum hætti, nú síðast í leiðara Morgunblaðsins í dag þar sem annar ritstj. blaðsins gagnrýndi Bjarna harkalega.

Eins og fyrr segir, þá hefst fundurinn klukkan eitt og eru allir velkomnir samkvæmt fundarboði.