Logi Geirsson á Kanann

Handboltahetjan Logi Geirsson hefur verið ráðinn sem sölu- og markaðsstjóri útvarpsstöðvarinnar Kanans, sem er meðal annars í eigu eigu Einars Bárðarsonar, eitt sinn kallaður umboðsðmaður Íslands.

"Það er nýtt fyrir mér að fara í sölu- og markaðsmál fyrir fjölmiðil en ég hef náttúrulega allan minn feril í handboltanum verið að selja fyrsta flokks vöru sem er náttúrulega bara ég sjálfur og er því vanur að selja góða vöru. Þetta er auðvitað allt öðruvísi en gríðarlega spennandi. Ég hef fylgst með Kananum frá upphafi og finnst það bæði skemmtilegur miðill og svo líka bara ótrúlegur kraftur hjá þeim að fara í gang á þessum tíma," sagði Logi Geirsson í tilkynningu sem send var fjölmiðlum. Logi hóf störf í morgun.