Matthías Á. Mathiesen látinn

Matthías Á. Mathiesen, fyrrverandi ráðherra og alþingismaður, lést í fyrradag, áttræður að aldri.

Matthías lauk lögfræðiprófi frá Háskóla Íslands 1957 og var kjörinn á þing 1959 fyrir Sjálfstæðisflokkinn. Hann var þingmaður Reyknesinga til 1991.

Matthías var sparisjóðsstjóri Sparisjóðs Hafnarfjarðar 1958 til 1967. Hann rak málflutningsskrifstofu í Hafnarfirði 1967 til 1974 og síðan frá 1991.

Eftirlifandi eiginkona Matthíasar er Sigrún Þ. Mathiesen. Þau eignuðust þrjú börn: Árna Matthías, Halldóru og Þorgils Óttar.