Réttað yfir Brandao vegna nauðgunarákæru

Brasilíski framherjinn Brandao kom fyrir rétt í Marseille í dag en þá hófust réttarhöld yfir honum vegna nauðgunarákæru.

Þessi 31 árs gamli framherji Marseille var lánaður til Cruzeiro í heimalandinu eftir ákæruna. Hann mun ekki spila aftur fyrir Marseille þar til málið hefur verið til lykta leitt.

Lögmenn hans gáfu frá sér yfirlýsingu í dag þar sem leikmaðurinn ítrekar að hann sé saklaus.

Hann hefur þess utan óskað eftir því að fá að hitta stúlkuna sem hann segir að hafi viljað sofa hjá sér.