Háskólalestin stoppar á morgun

Háskólalestin lýkur yfirferð sinni um landið með pompi og prakt og heimsækir tvö bæjarfélög með vísindi, fjör og fræði á morgun, laugardaginn 27. ágúst. Sandgerði og Seltjarnarnes eru áningarstaðirnir og þar verður boðið upp á góða skemmtun og fræðslu fyrir alla fjölskylduna.

Háskólalestin efnir til vísindaveislu á Sandgerðisdögum og stendur veislan milli kl. 12 og 16. Dagskráin fer fram í Samkomuhúsinu og Fræðasetri Háskóla Íslands í bænum. Á Seltjarnarnesi fer vísindaveislan fram í Nesi milli klukkan 11 og 14 í tengslum við Gróttudaginn svokallaða.

Nánari upplýsingar er að finna á þessari vefslóð.