Einar Karl verður ríkislögmaður

Forsætisráðherra hefur í dag skipað Einar Karl Hallvarðsson, hæstaréttarlögmann, í embætti ríkislögmanns til fimm ára.

Einar Karl er fæddur 6. júní árið 1966 og lauk embættisprófi frá lagadeild Háskóla Íslands árið 1993. Hann öðlaðist réttindi til málflutnings fyrir héraðsdómi árið 1994 og fyrir Hæstarétti árið 1997.

Hann hefur starfað við embætti ríkislögmanns frá árinu 1994 og verið settur ríkislögmaður frá 1. desember 2010. Einar Karl hefur jafnframt gegnt stöðu dósents við Háskólann á Bifröst frá árinu 2007.