Dansari á batavegi

Steve Lorenz, dansari hjá íslenska dansflokknum, er laus úr öndunarvél en hann lenti í alvarlegu slysi á æfingu hjá Íslenska dansflokknum í vikunni.

Vakthafandi læknir á gjörgæsludeild Landspítalans staðfestir í samtali við mbl.is að Steve sé laus úr öndunarvél og á batavegi.

Sýningu á Ofviðrinu í Borgarleikhúsinu var frestað vegna slyssins sem varð á æfingu á sirkustengdu dansverki. Steve missti meðvitund þegar band hertist að hálsi hans og var haldið sofandi í öndunarvél.

Steve er frá Þýskalandi en hann og sambýliskona hans eru bæði fastráðin hjá Íslenska dansflokknum.