Þarf að sniðganga Bandaríkin til þess að fara til Kanada

Þingkona Hreyfingarinna, Birgitta Jónsdóttir, er á leiðinni til Kanada, sem hún heldur ræðu á ráðstefnu stofnunnar sem heita Samara. Þar mun hún kynna IMMI verkefnið (Icelandic Modern Media Initiative).

IMMI snýst um að Ísland skapi sér afgerandi lagalega sérstöðu varðandi vernd tjáningar- og upplýsingafrelsis. Þannig megi til dæmis styðja betur við rannsóknarblaðamennsku, stuðla að gegnsæi og vinna gegn spillingu. Þingsályktunartillaga þar að lútandi var einróma samþykkt á Alþingi þann í júní á síðasta ári.

Birgitta segir á Facebook-síðu sinni að hún verði að ferðast í gegnum London til þess að komast til Kanada en bandarísk yfirvöld hafa krafist allra upplýsinga um Birgittu á samskiptasvæðinu Twitter.

Krafa bandarískra yfirvalda hafa hleypt illu blóði í þau íslensku en Össur Skarphéðinsson, utanríkisráðherra, hefur kallað Luis E. Arreaga, sendiherra Bandríkjanna hér á landi, á fund til sín í dag, þar sem Össur ætlar að ræða við hann um kröfu bandarískra yfirvalda.