Bensínið hækkaði í gær

Olíufélagið Skeljungur hækkaði bensínverð síðdegis í gær um fimm krónur og kostar lítrinn nú tæpar 214 krónur.

Dísillítrinn hækkaði um níu krónur og fór upp í tæpar 217 krónur. Hin félögn fylgdu í kjölfarið með álíka hækkanir.

Olíuverð á heimsmarkaði hefur hækkað að undanförnu, meðal annars vegna ólgunnar í Egyptalandi, þar sem óttast var að truflanir yrðu á olíuflutningum um Súesskurðinn, en er nú heldur á niðurleið aftur.

Hækkunin núna er nokkuð í takt við það sem við sögðum í fréttum í gær, að búast mætti við, miðað við forsendur olíufélaganna við verðlagningu.