Arnór: Eiður er með mjög freistandi tilboð frá AEK Aþenu

Það lítur allt út fyrir að Eiður Smári Guðjohnson sé á leiðinni til AEK Aþenu frá Grikklandi, en grískir fjölmiðlar hafa greint frá félagsskiptunum undanfarinn sólahring.

Í samtalið við íþróttadeild Vísis sagði Arnór Guðjohnsen, faðir leikmannsins, að Eiður Smári væri að skoða tilboð frá AEK Aþenu.

„Eiður hefur fengið mjög freistandi tilboð frá AEK Aþenu sem hann er að skoða," sagði Arnór Guðjohnsen, í samtali við Vísi.

Eiður Smári var við það að ganga í raðir West-Ham í síðustu viku og mun hafa farið í læknisskoðun hjá félaginu.

Samkvæmt grískum fjölmiðlum eiga forráðamenn AEK Aþena að hafa lagt fram samningstilboð í Eið Smára á síðustu stundu og því hafi málið tekið aðra stefnu.

Elfar Freyr Helgason, fyrrum leikmaður Breiðabliks, samdi við gríska félagið í vikunni og yrði þá Eiður Smári einn af tveimur Íslendingum í liðinu, en einnig er Arnar Grétarsson yfirmaður íþróttamála hjá félaginu.