Japan heimsmeistari í fyrsta skipti

Japan varð í kvöld heimsmeistari í knattspyrnu kvenna eftir að hafa sigrað Bandaríkin í úrslitaleik mótsins. Jafnt var eftir venjulegan leiktíma 1-1 og grípa þurfti til framlengingar. Í framlengingunni skoruðu liðin sitt markið hvort og liðin þurftu því að fara í vítaspyrnukeppni.

Bæði liðin voru lengi í gang og fyrsta mark leiksins kom ekki fyrir en tuttugu mínútur voru eftir af venjulegum leiktíma, en þá skoraði Alex Morgan fyrir Bandaríkin. Japönsku stúlkurnar neituðu að gefast upp og börðust alltaf eins og ljón.

Þær náðu að jafna metin á 81. mínútu eftir skelfilega varnarmistök hjá bandarísku leikmönnunum.

Framlengja þurfti og eins og áður í leiknum voru þær bandarísku með ákveðið frumkvæði í leiknum. Eftir 14 mínútna leik í framlengingunni komst Bandaríkin aftur yfir með glæsilegu marki frá Abby Wambach, en hún skallaði boltann í netið.

Aftur gáfust Japanir ekki upp og náðu að gnýja fram vítaspyrnukeppni þremur mínútum fyrir lok framlengingarinnar þegar Homare Sawa kom boltanum í netið. Homare Sawa tryggði sér gullskóinn með því mark en hún gerði 5 mörk í keppninni.

Bandaríkin misnotaði fyrstu þrjár spyrnur liðsins á meðan þær japönsku voru seigari á punktinum. Það var Saki Kumagai sem tók síðustu spyrnu Japans í leiknum og tryggði þeim titilinn.