Löggan hafði rétt fyrir sér

Tveir gistu fangageymslur í Reykjanesbæ í nótt. Annar aðilinn var tekinn á rölti í bænum með kannabis í fórum sínum. Vísbendingar lögreglu voru því á rökum reistar, því fyrr um kvöldið hafði lögreglan afskipti af honum og grunað að hann væri undir áhrifum fíkniefna. Hinn aðilinn gisti fangageymslu vegna ölvunar.

Þá var einn maður tekinn grunaður um fíkniefnaakstur laust eftir miðnætti í gær. Bráðabirgðaniðurstöður sýndu að hann var undir áhrifum kókaíns og amfetamíns.

Lögreglan í Borgarnesi og á Vestfjörðum segja að mörg þorrablót hafi verið umdæmunum í gærkvöldi en þau hafi öll farið vel fram. Mikil ölvun var á nokkrum þeirra.