Sigmundur Davíð bloggar

Sigmundur Davíð Gunnlaugsson, formaður Framsóknarflokksins, hefur opnað nýjan bloggvef þar sem hann stefnir á að birta reglulega greinar, myndbönd. og annað efni. Á síðunni má nálgast rafrænar útgáfur af prentuðum blaðagreinum eftir birtingu, þingræður og fleira.

Í tilkynningu sem aðstoðarmaður Sigmundar Davíðs sendi frá sér kemur fram að þingmaðurinn heldur einnig úti Twitter-síðu og Facebook-síðu.

Komast má á þessar síður með því að smella á tenglana hér að neðan:

Bloggsíða

Twitter-síðan

Facebook-síðan

Á bloggsíðunni er þegar að finna aðsenda grein Sigmundar Davíðs sem birtist í Morgunblaðinu í morgun. Fjármálaráðuneytið hefur þó sent frá sér leiðréttingu á málflutningi Sigmundar Davíðs þar um Icesave, eins og sagt var frá hér á Vísi fyrr í dag.