Bandarískur diplómat skaut tvo til bana

Bandarískur diplómat í Pakistan skaut tvo menn til bana í borginni Lahore í dag. Hann er í haldi lögreglunnar og segir að um sjálfsvörn hafi verið að ræða. Maðurinn var í bifreið sinni þegar tveir vopnaðir menn komu á mótorhjóli og hófu að elta bílinn.

Þegar bíllinn nam staðar dró maðurinn upp skammbyssu og skaut mennina, sem hann taldi vera ræningja. Vegfarandi beið einnig bana þegar hann varð fyrir bíl frá bandaríska sendiráðinu sem var á leið til mannsins til þess að aðstoða hann. Hópur mótmælenda hefur þegar tekið sér stöðu fyrir framan lögreglustöðina þar sem maðurinn er í haldi og mótmælt morðunum.