Vann 17 milljónir í lottó

Einn heppinn lottóspilari var með allar tölur réttar í lottóútdrætti kvöldsins. Hann er rúmum 17,2 milljónum króna ríkari fyrir vikið. Vinningsmiðinn var seldur í Tvistinum í Vestmannaeyjum.

Þá var einn með fjórar tölur réttar auk bónustölunnar. Sá miði var seldur í Kaupvangi á Egilsstöðum. Hann fær tæpar 292 þúsund krónur í sinn hlut.

Enginn var með fimm rétta í réttri röð í Jókernum en tveir voru með fjóra rétta í réttri röð. Þeir hljóta hvor um sig 100 þúsund krónur.

Lottótölurnar voru 1 4 8 18 30 og bónustalan var 21.

Jókertölurnar voru 3 7 4 5 7.