Falcao skrifar undir samning til 2015

Kólumbíski framherjinn Radamel Falcao, einn eftirsóttasti sóknarmaður Evrópu um þessar mundir, hefur skrifað undir nýjan samning við Porto. Í samningnum kemur fram að Falcao megi yfirgefa portúgalska liðið komi tilboð upp á 45 milljónir evra í hann eða sem nemur um 8,5 milljörðum króna.

Framherjinn 25 ára skoraði 38 mörk með Porto á síðasta tímabili. Undir stjórn André Villa-Bóas vann Porto deild, bikar og Evrópudeild. Falcao hefur verið orðaður við mörg stórlið, meðal annars Chelsea.

Hann skoraði 17 mörk í Evrópudeildinni í fyrra og setti met. Enginn leikmaður hefur skorað jafnmörk í einni keppni. Fyrra metið átti Þjóðverjinn Jürgen Klinsmann.

Falcao kom til Porto frá River Plate í Argentínu árið 2009. Hann hefur skorað 73 mörk í 85 leikjum á sínum tveimur tímabilum hjá félaginu. Fyrri samningur hans við Porto átti að renna út 2013. Þá mátti hann fara ef tilboð upp á 30 milljónir evra bærist í hann.