Nafn mannsins sem lést

Karlmaður sem lést á Eyjafjarðarbraut síðastliðinn fimmtudag hét Gísli Ólafur Ólafsson til heimilis að Vættagili 21 á Akureyri. Gísli var 49 ára gamall og lætur eftir sig eiginkonu, fjögur börn á aldrinum 8-28 ára og eitt barnabarn. Gísli lést eftir að hann varð fyrir fólksbifreið þegar hann var að skokka á Eyjafjarðarbraut. Hann var fluttur með sjúkrabíl á Sjúkrahúsið á Akureyri og úrskurðaður látinn þegar þangað var komið. Þetta kemur fram í tilkynningu frá fjölskyldu Gísla.