Nímenningarnir studdir í Iðnó í kvöld

Í kvöld ætlar góður hópur fólks að halda skemmtikvöld í Iðnó til styrktar nímenninganna sem ákærðir voru fyrir að mótmæla við Alþingi í desember 2008.

Eins og kunnugt er af fréttum hlutu tveir af nímenningunum skilorðsbundna fangelsisdóma, tveir hlutu sektir og fimm voru sýknaðir. Skemmtikvöldið er haldið til þess að gefa fólki kost á því að sýna samstöðu og stuðning við nímenningana og þann málstað sem þeir standa fyrir.

Dagskrá kvöldsins hefst klukkan 20:00 og meðal þeirra sem koma fram eru Súkkat, Jón Proppé, Linda Vilhjálmsdóttir, Bítladrengirnir blíðu, Hörður Torfason, Ragnar Aðalsteinsson og fleiri. Kynnir verður Birna Þórðardóttir. Aðgangseyrir er 1.000 kr. plús/mínus.